Хятад улс 3 сарын 1-нээс хойш 50 тэрбум амны хаалт экспортолжээ

Огноо: 2020-05-18

Хятад улс коронавирусийн халдварын эсрэг тэмцлийг дэмжих зорилгоор гуравдугаар сарын 1-нээс хойш 50 тэрбум амны хаалт экспортолсон гэж тус улсын төрийн хэвлэлийн байгууллага мэдээллээ.

Хятадын гаалийн удирдлагууд өчигдөр гадаад руу экспортолсон хангамжийн мэдээллийг олон нийтэд зарласан байна.

Тодруулбал, тус улс гуравдугаар сарын 1-нээс хойш 50 тэрбум амны хаалт, 216 сая хамгаалалтын хувцас, 162 сая оношлуур экспортолжээ. Нийт үнийн дүн нь 134.4 тэрбум юань буюу 18.9 тэрбум ам.доллар болсон байна. Гол чиглэлд нь АНУ, Япон, Герман улсууд тус тус багтжээ.         

Хятадын эрх баригчид “COVID-19”-ийн тархалтыг хязгаарлахад бусад улстай хамтран ажиллах хүсэлтэй байгаагаа удаа дараа онцолж байгаа билээ.                    

Эх сурвалж: NHK